SEBI मध्ये विविध पदांची भरती, ६० हजारपर्यंत मिळेल पगार

सेबीमध्ये काम करू इच्छिणाऱ्या उमेदवारांसाठी महत्वाची बातमी आहे. सिक्युरिटीज अँड एक्सचेंज बोर्ड ऑफ इंडिया (SEBI) ने त्यांच्या सिक्युरिटीज मार्केट ऑपरेशन्स (SMO), कायदा (Law), संशोधन (Research) आणि माहिती तंत्रज्ञान (Information Technology,IT) विभागांमध्ये यंग प्रोफेशनल प्रोग्रामसाठी (Young Professional Program) जाहिरात प्रसिद्ध केली आहे. सेबीच्या चारही विभागांमध्ये यंग प्रोफेशनल्सच्या एकूण ३८ रिक्त (SEBI Recruitment) जागा भरण्यात येणार आहेत. सेबी यंग प्रोफेशनल प्रोग्राम (YPP) अंतर्गत, सुरुवातीला एका वर्षासाठी उमेदवारांची नियुक्त केली जाणार आहे. उमेदवारांच्या कामगिरीनुसार हा कालावधी जास्तीत जास्त दोन वेळा वाढविला जाऊ शकतो.

सेबी यंग प्रोफेशनल प्रोग्रामसाठी पात्रता
SEBI ने जारी केलेल्या वायपीपी २०२२ (YPP 2022) च्या जाहिरातीनुसार, यंग प्रोफेशनल्स (SMOs) मॅनेजमेंट (फायनान्स) मध्ये अर्ज करु इच्छिणाऱ्या उमेदवारांकडे किमान ६० टक्के गुणांसह पदवी उत्तीर्ण असणे गरजेचे आहे. किंवा सीए/सीएमए किंवा सीएफएच्या तिन्ही स्तरांमध्ये किमान ५० टक्के गुण असणे आवश्यक आहे. तसेच उमेदवारांकडे संबंधित कामाचा एक वर्षाचा अनुभव असणे आवश्यक आहे. यंग प्रोफेशनल (लॉ) उमेदवारांसाठी किमान ६०% गुणांसह लॉ पदवी आणि एक वर्षाचा अनुभव असणे आवश्यक आहे.

यंग प्रोफेशनल (रिसर्च) पदासाठी अर्ज करणाऱ्या उमेदवारांकडे किमान ६०% गुणांसह मॅनेजमेंट किंवा अर्थशास्त्र किंवा स्टॅटीस्टिक्स या विषयात पीजी आणि संबंधित कामाचा एक वर्षाचा अनुभव असणे आवश्यक आहे.

यंग प्रोफेशनल (आयटी) पदासाठी अर्ज करणाऱ्या उमेदवारांना संबंधित ट्रेडमध्ये किमान ६० टक्के गुणासह BE/B.Tech किंवा MCA किंवा MSc (IT) किंवा M.Tech (कॉम्प्युटर सायन्स/IT) उत्तीर्ण असणे आवश्यक आहे.

यंग प्रोफेशनल पदांसाठी अर्ज करणाऱ्या उमेदवाराचे वय ४ जानेवारी २०२२ रोजी ३० वर्षांपेक्षा जास्त नसावे.

अर्ज प्रक्रिया
SEBI यंग प्रोफेशनल भरती २०२२ साठी अर्ज करू इच्छिणाऱ्या उमेदवारांनी अधिकृत वेबसाइट, sebi.gov.in वर जा. होमपेजवरील करिअर विभागात दिलेल्या ऑनलाइन अर्जाद्वारे उमेदवार अर्ज करू शकतात. २५ जानेवारी २०२२ ही अर्ज करण्याची शेवटची तारीख आहे.

पगार

सेबीच्या दिलेल्या निवड प्रक्रियेद्वारे निवड झालेल्या उमेदवारांना प्रति महिना ६० हजार रुपये स्टायपेंड दिला जाईल. याशिवाय, मुंबईबाहेरील उमेदवारांना उपलब्धतेनुसार राहण्याची सुविधा दिली जाईल.

Leave a Comment

x