बँक ऑफ बडोद्यात नोकरीची संधी…15 हजारांपासून पगाराला सुरुवात

तुम्हाला बँकेत नोकरी करायची असल्यास तुमचं स्वप्न लवकरच पूर्ण होऊ शकते. बँक ऑफ बडोद्यात बंपर भरती करण्यात येणार आहे. मुंबई (Bank of Baroda Mumbai Jobs 2021) इथे लवकरच काही पदांसाठी भरती होणार असून, यासाठीची अधिसूचना (Bank of Baroda Recruitment 2021) देण्यात आलीय. व्यवसाय प्रतिनिधी पर्यवेक्षक या पदांसाठी ही भरती होणार आहे. पात्र उमेदवारांनी दिलेल्या लिंकवर ऑनलाईन पद्धतीनं किंवा दिलेल्या पत्त्यावर ऑफलाईन पद्धतीनं अर्ज करता येणार आहे. अर्ज करण्याची शेवटची तारीख 3 नोव्हेंबर 2021 असणार आहे.

या पदांसाठी भरती

व्यवसाय प्रतिनिधी पर्यवेक्षकाच्या (Business Correspondent Supervisor) एकूण 04 जागा भरण्यात येणार आहेत.

शैक्षणिक पात्रता आणि अनुभव

व्यवसाय प्रतिनिधी पर्यवेक्षक (Business Correspondent Supervisor) पदासाठी भरती करण्यात येणार आहे. या पदांसाठी अर्ज करू इच्छिणाऱ्या उमेदवारांनी कोणत्याही मान्यताप्राप्त विद्यापीठातून पदवी संपादन केलेली असणे आवश्यक आहे. तसेच कोणत्याही नॅशनल बँकेत काम करण्याचा किमान तीन वर्षांचा अनुभव असावा. तसेच ग्रामीण क्षेत्रातील बँकांमध्ये काम करण्याचा तीन वर्षांचा अनुभव असणाऱ्या उमेदवारांना प्राधान्य देण्यात येणार आहे. विशेष म्हणजे तरुण उमेदवारांना कॉम्प्युटरचं ज्ञान असणं आवश्यक आहे.

वयोमर्यादा

वरिष्ठ उमेदवारांसाठी – उमेदवाराचं वय 64 वर्षांपेक्षा अधिक नसावं.
तरुण उमेदवारांसाठी – उमेदवाराचं वय 21 – 45 वर्षांदरम्यान असावं.
अर्ज करण्याची शेवटची तारीख – 3 नोव्हेंबर 2021

तुम्हाला इतका पगार मिळणार

व्यवसाय प्रतिनिधी पर्यवेक्षक (Business Correspondent Supervisor) – 15,000/- रुपये प्रतिमहिना + 10,000/- रुपयांपर्यंत variable components इतका पगार मिळणार आहे.

अर्ज करण्यासाठीचा पत्ता

प्रादेशिक व्यवस्थापक, बँक ऑफ बड़ौदा, मुंबई मेट्रो उत्तर प्रदेश, तिसरा मजला, दीवान शॉपिंग सेंटरच्या मागे, जोगेश्वरी, पश्चिम मुंबई 400102

Leave a Comment

x